شن أحمد حسام ميدو، لاعب الزمالك ومنتخب مصر السابق، هجومًا حادًا على محمود عبد المنعم كهربا، مهاجم الأهلي، مؤكدًا بالوقت ذاته أن التعاقد معه أكبر خطأ في تاريخ النادي.
وكان كهربا ومحمد رمضان رفضوا رد التحية لجماهير الأهلي بطلب من حارس الفريق محمد الشناوي، وذلك عقب نهاية مباراة الفريق أمام شباب بلوزداد، والتي انتهت بفوز الشياطين الحمر بستة أهداف مقابل هدف، في المواجهة التي أقيمت بينهم على ملعب القاهرة الدولي، ضمن المباراة المؤجلة من الجولة الثالثة بدوري أبطال إفريقيا.
كانت جماهير الأهلي قد شنت هجومًا ضاريًا على بعض لاعبي الأهلي ومجلس إدارته، وذلك عقب خسارة الفريق أمام باتشوكا المكسيكي بركلات الجزاء الترجيحية بنصف نهائي كأس إنتر كونتيننتال.
وقال ميدو في رسالته والتي نشرها عبر حسابه الرسمي على “إكس”:
من حق المشجع إللي هو أكثر واحد بيتأثر نفسيًا بأي نتائج سلبية أو بأي تصرفات تقلل من النادي صدرت من أي شخص داخل المنظومة، إنه يعبر عن غضبه طالما الغضب ده مافيهوش أي سب لأي شخص، ولكن غضب عن طريق إيصال رسائل إلى الإدارة والجهاز واللاعيبه، وده إللي عملوه فعلا جمهور الأهلي قبل الماتش.
وتابع قائلًا:
رد فعل اللاعيبة كان عظيم بالفوز الكبير، وطبيعي إن الجمهور لما يلاقوا لاعيبتهم موتوا نفسهم في الملعب إنهم يحيوهم بعد الماتش علشان يقفلوا الصفحة ويوصلوا للاعيبة رسالة إن بفوزك النهارده الكبير الصفحة اتقفلت ومش هنقبل إلا بالأداء والنتائج دي، وهي دي عقلية مُشجع الأندية الكبيرة مفيش غيرها وعقلية المشجع دي هي إللي بتتنقل لكل فرد داخل المنظومة وهي أساس نجاح أي نادي كبير.
وأكمل قائلًا:
بالطبع كان لازم اللاعيبة تروح تحيي الجمهور، ويفهموا إن جمهورهم معاهم مش ضدهم، إنما إيه إللي حصل، مين المستفيد الأكبر إن يكون في خلاف ما بين الجمهور والمجموعة علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟، الحقيقة هو لاعب واحد فقط وجوده سرطان داخل أي فريق، هو كهربا، وهو فعلا كما قلت من قبل وبعض من أصدقائي الأهلاوية زعلوا مني قرار التوقيع معاه أكبر غلطة في تاريخ الأهلي!!.
