خلال ساعات قليلة قادمة سيتم إصدار الحكم النهائي على البلوجر سوزي الأردنية صاحبة الـ 18 عامًا بعد أن تم إصدار حكم سابق عليها بالحبس لمدة عامين ودفع غرامة تقدر بـ 300 ألف جنيه مصري بسبب ما قامت به من مخالفة لقيم الأسرة والمجتمع حينما قامت بتوجيه ألفاظ شنيعة لوالدها في بث مباشر علي التيك توك ورغبتها في الشهرة فقامت باستغلال شقيقتها من ذوي الهمم لكي تحقق مشاهدات وأرباح من ورائها.
بالفعل قامت سوزي بتقديم طعن في الحكم لتسجل جلسة الاستئناف إلى اليوم الأحد الموافق 29 ديسمبر، وأكد والدها قبل جلسة المحاكمة أنه متنازل عن حقه لابنته وأنه سامحها عن أخطائه الماضية فقال:
أنا جاي مع بنتي وإحنا متأكدين أن ربنا مش هيخذلنا وهتروح معايا البيت، سوزي انهارت امبارح بسبب الخوف والقلق، ومش متخيلة إن كل ده هيحصل، أنا قلت قبل كده إني مسامح بنتي، وبقولها تاني أنا مسامحها وهقف مع بنتي لحد ما الأزمة تعدي
ومن الجدير بالذكر أن سوزي قامت بالأمس يوم السبت بمشاركة متابعيها رسالة وداع مؤثرة عبر حسابها الخاص بتطبيق إنستجرام وطلبت من الجميع دعمها ومساندتها حتى تتجاوز هذه الأزمة فكتبت:
يمكن هيكون آخر يوم وآخر دقيقة وسطكم.. حياتي كلها وقفة على يوم وكام دقيقة وكلمة، يا أرجع معاكم يا هبقى في دنيا تانية مكنتش حابة خالص، فعلاً أنا مش قد أي حاجة هتحصلي أو أتبهدل
وتابعت حديثها معبرة:
أنا ست وصحتي وعمري ما هكون حمل إني أبقى وسط ناس تانية، وفي الآخر هكون اتظلمت، لو رحت ورجعت تاني مش هبقى زي الأول خالص، مش هروح أتعاقب، هرجع أسوأ إنسانة في الدنيا، بقالي سنة وكام شهر منتظرة يوم واحد، مش طالبة حاجة غير ربنا مع أهلي وأختي قبل أي شيء وإخواتي
